سفين
عدد الرسائل : 748
تاريخ التسجيل : 13/11/2007
 | موضوع: لاتقولى وداع  الخميس مارس 27, 2008 3:14 pm | |
| صاحبي لاصرت بتغيب .. لاتقول الوداع
.....الوداع بقلب راع الهوى جرحه كبير
كل مااغفى شارد الفكر .. صحاه الضياع
.......بين صكّات الليالي .. ووراد وصدير
لاتزيد بقلبي الليّ ... حمل مالا أستطاع
......خل قلبي مثل ماهو على خبري بصير
لاتشككني بحبّك .. ترى الشكّه نزاع
...... بين فكرٍ ماينازع .. وقلبٍ فيه خير
محزمك شريان قلبي وتاجه مايباع
.......ماذخرته يوم قلبي قصر .. وانت الامير
ماتأملت العطى من ملذّات ومتاع
.......غير ابيها في عيونك تبيّن ياصغير
مشكلت قلبي يسوقه على الطيب اندفاع
...........ولايفكرّ في مرد العطا غير الحقير
لن مايهوى الرفاعه سوى راع الرفاع
........طيب ساسه مايحدّه على الضلع القصير
والانا لاعوّد الجدّ ياحلو الطباع
..........والله انيّ فاتنٍ فيك لانك جدّ غير
فيك اشوف انوار الامّه .. بنجلينك شعاع
..........ومنك قلبي رشحك وانت الاول والاخير
ليه ماشكي من فراقك وقلبي منك ضاع
.......وليه وليه وليه .. ماقول ليه .. وليه اصير؟
قلب من فرقا محبّه ..قضى عمره صراع
.........بين تخفيف المواجع .. وتحديد المصير
كلّ شيٍ ياحبيبي سهل غير الوداع
........الوداع لشخص مثلي .. تقباله خطير
| |
|
رنكين كوردستان
| |
